హైదరాబాద్, వెలుగు: రాష్ట్రంలో ఎల్ఎల్‌‌బీ, ఎల్ఎల్ఎం కోర్సుల్లో ప్రవేశాల కోసం నిర్వహించే టీఎస్ లాసెట్, పీజీఎల్ సెట్ ఎగ్జామ్‌‌కు అన్ని ఏర్పాట్లు చేశామని అధికారులు తెలిపారు. సోమవారం జరిగే ఈ పరీక్షకు 50,684 మంది అటెండ్ కానుండగా, వారి కోసం 68 పరీక్షా కేంద్రాలను ఏర్పాటు చేశామని వివరించారు. ఉదయం 9 గంటల నుంచి 10.30 వరకు, మధ్యాహ్నం 12.30 గంటల నుంచి 2 గంటల వరకు, సాయంత్రం 4 గంటల నుంచి 5.30 గంటల వరకు మూడు సెషన్లలో పరీక్షలు జరగను న్నాయని ఆదివారం ఒక ప్రకటనలో అధికారులు తెలిపారు.
